متى عيني

متى عيني أكحلها بنظر عينك

ومن طول السهر عيني تريحها

وتضللها وسط جنة بساتينك

وتهنيها بشوفتك وتفرحها

وتسعدها ببسمة من مثامينك

وتشفيها شفاتك يوم تلمحها

ويبهرها نعم حسنك وتكوينك

بصوره حسنها الرحمن مالحها

وتبهجها معانيك وحسن زينك

ولا شي عاد في قرب يجرحها

ولكن وينك أنته يا الغلا وينك

عيوني تنظر عيونك تلامحها

ملاها الشوق وأشتاقت نظر عينك

وبها الأشواق تمسيها وتصبحها

متى عيني أكحلها بنظر عينك

ومن طول السهر عيني تريحها