في ذمتي

في ذمتي مالي حبايب سواكم
أنتوا هنا عمري وسبة شجوني

ودي بوصلكم واستريح بلقاكم
وفـ بعدكم الأشواق يا ما اسهروني

في وسط روحي دوم ساكن غلاكم
وبقربكم شفت السعاده بعيوني

تبسم لي الدنيا بـ بسمة شفاكم
وأحس نفسي سيد(ن) وسط كووني

إيتوه كلي إذا غمرني شذاكم
ويرد ذهني عقب فترة جنوني

تدرون بي هايم ولا أقوى جفاكم
وتدرون بس عاشق وأنتوا فتوني

حالي شرات الليل مظلم بلاكم
والليل دون البدر ظلمة وسكوني

أشوفني بموت أتبع خطاكم
صارت حياتي بيدكم صدقوووني