الحارة القديمة

( الحـــــــــــــــــارة القديــــــــــــمة )

الطريق إلي يوصل سكة الحارة القديمة
قلت أمره العصر لكن يوم مريته بكيت

حنت الذكرى عليه ونقًش جروح أليمه
كم أقدامي مشت به يوم رحت ويوم جيت

شفت باب البيت لول فردته اليسرى يتيمة
فاقدة اليمنى وكنه ما تركب وسـط بيت

طاحت ركون الزوايا الشامخات المستقيمة
والهشيم إلي تبقى صار للأفعى مبيت

موحشة السكة ولكن ربت نفوس حشيمة
لي عرف عنها تمنى وقال لو فيها ربيت

ونتقلت لبيت الآخر شفت عمدانة رميمة
طايح الركن الشمالي لي على جنبه مشيت

ذاك بيت به محبي وبيت أصحاب الغنيمة
وآخر السكة حكاية لو بسولف (م)نتهييت

صحت آه وقلت ويلي من غرامي ومن جحيمة
وسج فكري بذكرياته ومت في لحظة وحييت


كلمات الشاعر: راشد خميس العيسائي