وش ذا الرقم

يالله مساء خير وش ذا الرقم يبغيبي
نوبن يطول ونوبـن يتصـل رنـه

الو الو قلت الو والشوق صاحيبـي
ومن يوم قالت الو جيتك علي السنه

تقول معجبه واقول يا طـر جيبـي
ياجعل من عطهـا رقمـي الجنـه

كن صوتها يوم مـر اذنـي يغنيبـي
وصار في صدى صوتها في قامي حنه

من فوق راسي الي اسفل عارقيبـي
تقول شاعر عطر وجه يردف الونـه

قالت بسكر قبل ما الناس تدريبـي
احراج ولا بعضهم ماعلـي منـه

قبل ماتدري النـاس بـا عذاريبـي
اللي علي خاطرك ماحد دارء عنـه

ثم ضحكت ضحكتن تقبل وتقفيبي
خلت خليا مخيخ الـراس منجنـه

وقالت ابي منـك تحقـق مطاليبـي
ابي جديدك قبل ما النـاس يقرنـه

وسمعتها وعجبتها وقلـت ياشيبـي
وانا بعد معجـب والنفـس ممتنـه

اودعت ولبيت وقالت يا طر جيبـي
ياجعل من عطانـي رقمـك الجنـه