9

مليت


لا تحسب أني في غيابك تناسيت ما اكْذب اذا اْنّي أذكرك كل دقيقه

وكل ما ذكرتك في خيالي تمنيت أنك تكون بجمب قلبي ورفيقه

أنا شْهد أنك في غيابك تباطيت وآنا دموعي دون شوفك دفيقه

تدري بغيابك يالغلا ويش حسيت حسيت نار ٍ وسط يوفي حريقه

مليت أنا مليت مليت مليت مليتها هموم ٍ فقلبي وثيقه

وعن كل مخلوق ٍ بهالكون صديت والقلب ماله غير دربك طريقه

تذكر قدومك يوم للشوف هليت تلفي معك أرياح عود ٍ عتيقه

ومصعب غيابك يومك أبصدق أقفيت تقفي معك كل الحلوم الرقيقه

شيّدت في قلبي وبنّيت لك بيت بيت ٍ لغيرك لا حشى ما يليقه

كم من قصيد ٍ لجلك اليوم عدّيت أقرب ترى ما عاد بعدك أطيقه

ليت الأماني تنفع اليوم يآليت صارت جروحي في غيابك عميقه

مديت لك كفي أنا بشوق مديت خل الزعل يا ورد فل ورحيقه

وهذا الأسف أن كان في حقك أخطيت لاتسمعه من راد دربي يعيقه




الشاعر : حميد بن صرّوخ الدرعي