إهداء للشيخ خالد بن حمد آل خليفة

يـقـول نـاصـر عـريـب الـجـد والـخـالي
ولـشـعـار تـزهى وتفخر بسم شاعرها

وانـا بيوتـي تـجــي عـسرات وجزالي
لا قـلـتـهـا مــن فـخــر هــزت منـابـرها

خصوص لا جات في غالي وابن غالي
ينبض بـهـا القلب. ولـسـانـي يـعـبـرها

مـن فرحتي قمت اجر الصوت بلحالي
وابيات شعري تسـامـرنـي وسـامـرها

وشلون ما فرح واطوع صعب الامثالي
فاللـي عـلــوم الـوفـا والـعـز ســايـرها

خالد ومن غير خالد لا حتمـى الصـالي
اللـي يـمـثــل اصـغـار الـقـوم واكبـرها

وقفـت ابـارك واهـنـي ذرب الافـعـالي
ونفسي تسابق من الفرحه مشاعرها

مـبـروك مـليون مـره وانـت فـي بـالي
ياللي عيونـي عـلـى شـانـك مسهرها

يـابـن الملـيـك العظيم الحـاكـم الوالي
مـلـيــون مــرة مــا تـكـفي لــو أكررها

آكـتـب قـصـيـدي فـخر ويطيب مـوالي
وأطرب على شوفتك والناس أفـاخرها
والمـمـلـكـة تفتخر بـانـجـازك الـحـالي
وتـقــول كـمـلـت مـاضـيـهـا بـحـاضرها

سـقـت الـفـرح للبلد يـا طـيـب الـفالي
بأفعالك اللـي مـحـد غـيــرك بـيـقـدرها

من طيب ساسك عيونك دوم للـعـالي
كـلـك طـمـوحـات مـا نـقــدر نـفسـرها

لك هيبة" في اللقا يـا نسل الأبـطـالي
ولـك نـظـرة" كــل عـدوانـك تـصــورها

يـا الـفـارس الوايلي يـا فخر الأجـيـالي
فـيـك الـعــزايـم كـأن الله مـسـخــرها

الله يـحـفـظـك لـنـا مـن شـر الأهوالي
ويـعــز دارك ويــحـمـيـهــا ويـنـصــرها

كـتـبـت لك مـن هـجـوسـي مـاتهيالي
ولا الـغــلا والـمـحـبــه انــت خــابــرها

كـتـبـتـهــا لك ودمــع الـعـيـن يـبـرالي
مـن فـرحـتي صـارت دموعي محابرها

هـذي نـهـايـة كـلامـي واخـر اجـزالي
وصـح الله الـسـان سـامعهـا وشاعرها


الشيخ ناصر بن حمد آل خليفة