رثاء الأمير

يالله يامثبت هل الدين بالدين
الشعب في رجواك يالله صابر
عشنا الغزو في باس ماحنا ضعيفين
لكن عرفنا الضعف في موت جابر
ابو اليتاما والضعوف المساكين
صحيح من قال المراجل مخابر
اليا تيامن كلنا نوقف يمين
خلفه اليامن الزمن صار غابر
وشلون ننسى موقفه عام تسعين
يوم انحنت قدمه كبار المنابر
وقف ووقف له شعوب وسلاطين
الشعب خابر واغبر الوقت خابر
وشلون ماتبكي على جابر العين
من يقدر اليا شاف قبره يكابر
حكم قلوب الشعب سبعه وسبعين
والفين وسته راح ماهو بعابر
باقي بقلب الشعب مثل الشرايين
صارت لقبره قلوب شعبه مقابر
الفين وسته .. ليتها سته الفين
استغفر الله وش تقول المحابر
مايرجع اللي راح لو نبكي سنين
بس ندعي الله وللعزا الله جابر
نسجد لوجه الله عبيد ٍ مصلين
يالله ترحم عبدك الشيخ جابر