لا تسمع ولا توحي

ما فكر الريـح يـوم يحطـم أغصانـي
ان عمري أوراق وجروحي هي جروحي


وان الندى يرتمـي مشتـاق لاحضانـي
يبـوح لـي بالغـلا وأبادلـه بـوحـي


واسمعه ليـن يدفـى البـرد بالالحانـي
وألا انـت ياريـح لاتسمـع ولاتوحـي


عكرت صفـو الحيـاة ونومـي الهانـي
وخليت سري بيـن النـاس مفضوحـي


يلـي ذبحنـي ضمـاك وزدت بجنانـي
يامعتلي عـرش قلبـي حاكمـا روحـي


وشلون هانـت عليـك تسهـر أجفانـي
وتقفل علي الوصل باب كـان مفتوحـي


وأنا ترى تونـي فـي الحـب ممدانـي
ماكـان هـذا معـك ياخلـي طموحـي


سافرت والهـم عقبـك جـاء ومسانـي
طيفك يدل الخفـوق ويهـدم صروحـي


بالله أنـا بنشـدك قلـي مـن الجـانـي
هو غموضك أو ان ذنبي من وضوحـي


خلاك تنسى الغـلا وتحطـم أغصانـي
وتجي وترحل وأنا جروحي هي جروحي