[ ماجد بن عمير: طفلة صغيرة ]


السبت 25 / 11 / 2017 - 02:01 صباحاً
تسجيل الدخول
تصنيفات القصائد جديد القصائد تصنيفات الشعراء جديد الشعراء

الصورة الشخصية : ماجد بن عمير

ماجد بن عمير

عرض كافة قصائد ال

تقييمات : [31]

 

الجنس
الشاعر ماجد بن عمير
واثق الخطوة
عدد القصائد 10
عدد القراء 18462

ماجد بن عمير - موقع صوت التراث - الإثنين 14 / 06 / 2010 - 09:01 مساءً

تصغير الخط تكبير الخط

--( طفلة صغيرة )--



سبحان ربي يبتلي الناس بالناس
يصبح مصير الشخص بيدين غيره

مانيب متعقد ولانيب حساس
وقلبي أبد مافيه حقدن وغيره

لكن ما شفته ترى يشيب الراس
شفت الاسى بعيون طفله صغيره

جتني كسيرة ما قوت أخذ الأنفاس
بآخر رمق والحال ياهي خطيره

ضميتها لصدري والقلب محتاس
وحسيت فيها آثار قصه مريره

قلت اسكبي الدمعه على الخد لاباس
يمكن يريح الدمع لو نستثيره

قالت زماني قد حكمني بالأتعاس
ولّى علي انسان ضايع ضميره

كنت أحسبه طيب وقلبه من ألماس
وأثره شبيهن للوحوش السعيره

حبيته بكلّي حبن بلا قياس
وظنيتني فقلبه كنت الأميره

بعت أهلي وأصحابي وكل هالناس
من اجل عينه كنت دايم سهيره

خذ ما يبي مني وسواس خناس
كل شي بسم الحب وانا غريره

ظنيت يحشمني عن درب لنجاس
واثري بعينه كنت وحده حقيره

ليته ذبحني قبل مابالقدم داس
على البراءة في فؤاد الصغيره

قلت اسكتي يابنت يفداج هالراس
ويفداج هو وأهله وكل العشيره

لاتزعلي يا بنت!! ولايدخلج ياس
ربي عسى يعوضج بانسان غيره

يعشقج من قلبه ويغمرج بإحساس
ويقاسمج هالعمر شره وخيره

يفهمج ويداريج ويكون لج ساس
قلبه يكون العرش وانتي الأميره

يعشق ترابج وبيده يقدم الكاس
يروي ظماج وينفحج من عبيره

يسهر يناجي سحر لعيون الأنعاس
حيث اتجه انتي هدف خط سيره


مع تحياتي

الشاعر

ماجد بن عمير

تعليقات فيسبوك
عرض الردود
شاركنا رأيك
جميع الحقوق محفوظة لموقع صوت التراث 2004-2017

Powered By: Site Go